Dy pilotët e Red Bull, Max Verstappen dhe Daniel Ricciardo, kanë qenë sot protagonistë të një gare me rulotë që kanë zhvilluar në pistën e Zandvoort (Holandë), për të promovuar garën e Çmimit të Madh të Austrisë.
Duket se pilotët e makinës austriake po ia kalojnë mirë mes tyre dhe se tensioni i krijuar pas aksidentit të garës së Azerbajxhanit tashmë është harruar. “U argëtuam, shkatërruam makinat, por ruajtëm dinjitetin tonë”, tha Ricciardo.
Ata kanë garuar me shpejtësi, duke i patur dy rulotët si rimorkio, ndërkohë që pilotonin nga një makinë Aston Martin. Rulotët janë rrokullisur gjatë garës, duke u shkatërrura plotësisht, një garë kjo që dy pilotët e kanë zhvilluar edhe një vit më parë, duke u argëtuar jashtë mase.
Verstappen dhe Ricciardo kanë zhvilluar vetëm nga një xhiro të plotë, duke kënaqur edhe fansat e shumtë, ndërsa në xhiron e dytë janë tërhequr, duke çuar në finish vetë makinat, por jo rulotët.
