Bota e garave motorike magjeps tifozë të shumtë të këtij sporti, mes tyre edhe personazhe VIP. Çmimi i Madh i Monakosë është kthyer në një paradë të emrave më të njohur të aktrimit, modelimit dhe sportit.
Kamerat fiksuan praninë e modeles së famshme Bella Hadid, aktorit hollivudian Hugh Grant, ish-kapitenit të Romës Francesco Totti, dhe Kris Jenner të serialit më të ndjekur në Amerikë “Keeping Up With the Kardashians”.
Por skuadrat dhe stafet e tyre teknike patën nderin të vizitoheshin dhe nga princi i Monakos Alberti II. Listës së figurave më publike në botë iu shtuan dhe basketbollisti veteran Dwyane Wade dhe aktorët e famshëm të serialit “Game of Thrones” Kit Harrington dhe Liam Cunningham.
Gara e gjashtë e sezonit njohu si fitues australianin e Red Bullit Daniel Ricciardo duke mposhtur në një nga pistat më të njohura dhe më të ndërlikuara në botën e Formula 1 dyshen e kandidatëve për titull Sebastian Vettel dhe Lewis Hamilton, që u renditën respektivisht në vendin e dytë dhe të tretë.
Hamilton ruan sërish vendin e parë në renditjen e pilotëve me 110 pikë, 14 më shumë se gjermani I Ferrarit Vettel
