Marko Çetkoviç është emri i lojtarit që po lakohet së fundmi si afrim i mundshëm te Tirana. Ish-lojtari i Laçit dhe Partizanit, që sezonin e fundit e mbylli te Mladost Podgorica ka shprehur vetë dëshirën për tu kthyer në Shqipëri, duke lënë të hapur çështjen e bisedimeve me bardheblutë që mësohet se kanë patur kontakte me malazezin.
Edhe pse 31-vjeç, malazezi në sezonin e fundit luajti 30 ndeshje si titullar dhe mundi të shënojë 8 gola, shifër kjo jo e keqe. Nuk dihet nëse Tirana ka në plan vetëm malazezin për repartin e sulmit, pasi nuk mendohet se do ishte shumë frytdhënëse.
Ndoshta bardheblutë po mendojnë të arrijnë një marrëveshje me 31-vjeçarin për faktin e vetëm që ky i fundit ka eksperiencë në Superligën shqiptare dhe do ishte një plus për kryeqytetasit ta kishin në ekip, duke pretenduar se kostoja nuk do të jetë e lartë.