Apolonia është skuadra e fundit çerekfinaliste e Kupës së Shqipërisë në basketboll për meshkuj, e kualifikuar sot pas ndeshjes “shtesë” të fazës eliminatore.
Fierakët mposhtën me lehtësi 63-35 Skënderbeu në Korçë, ndeshje që ishte një formalitet për miqtë, që patën epërsi gjatë gjithë kohës. Këto dy ekipet patën fituar takimet e para eliminatore dhe u përballën mes tyre për të përcaktuar skuadrën e vetme nga kjo fazë që do të shkonte në çerekfinale.
Apolonia, në fazën e ¼-tave do të luajë ndaj Teutës, ndërkohë që takimet e tjera çerekfinale janë: Tirana-Goga Basket, Partizani-Eagles Basket dhe Vllaznia-Kamza Basket.
Kupa e Shqipërisë – Meshkuj (faza eliminatore)
24 janar, Skënderbeu – Apolonia, 35-63
Kupa e Shqipërisë – Meshkuj (faza çerekfinale)
27 janar, Teuta – Apolonia, ora 18:00 (Durrës)
27 janar, Tirana – Goga Basket, ora 19:00 (Faherie Hoti)
27 janar, Partizani – Barleti Eagles, ora 19:00 (Asllan Rusi)
27 janar, Vllaznia – Kamza Basket, ora 17:00 (Shkodër)