Sportistja amerikane e arteve marciale mikse Paige VanZant humbi duelin ndaj Jessica Rose Clark, zhvilluar në eventin e UFC Night Fight 124, përballja kryesore e kësaj mbrëmje, por problemet për bukuroshen kanë qenë edhe më të mëdha pas sfidës.
VanZant u mund me vendim unanim të gjyqtarëve pas 3 raundesh mjaft të bukura, kryesisht të dominuara nga Clark në dy të parat. Kampionia amerikane tentoi të përmbysë situatën në raundin e tretë, por e pati të pamundur të kthejë fatin e duelit edhe për një arsye tjetër.
https://twitter.com/jnsanchez/status/952763445849526272?ref_src=twsrc%5Etfw&ref_url=http%3A%2F%2Ftelesport.al%2Fufc-vanzant-humbet-ndeshjen-dhe-thyen-krahun-ja-foto-e-demtimit%2F
Që në raundin e parë, bukuroshja VanZant ka thyer kockën e krahut të djathtë dhe këtë gjë e ka konfirmuar sot, kur ka postuar një foto nga spitali të analizës me “rreze X” që i ka bërë krahut. “E theva krahun që në raundin e parë, por doja ta përfundoja sfidën, pasi isha në gjendje të dueloja.
Tani do të nis periudhën e riaftësimit dhe shpresoj të rikthehem sa më shpejt në kafaz. Këto dëmtime janë pjesë e lojës. Dua të falënderoj të gjithë: Fansat, trajnerin, rivalen”, tha VanZant nga spitali.
