Pak orë para fillimit të cermonisë së hapjes së Lojërave Olimpike dimërore “Pyeongchang 2018”, event që zhvillohet në Korenë e Jugut, një protest massive ka nisur në mjediset përreth stadiumit olimpik. Në pjesën brenda stadiumit situata duket e qetë, madje ka ende shumë vende bosh, por jashtë stadiumit atmosfera ka qenë më e nxehtë edhe pse ceremonia do të zhvillohet në temperaturë që shkon deri në -10 gradë.
Rreth 200 protestues kanë dalë me pankarta dhe janë konfliktuar me policinë, e cila ka ndërhyrë menjëherë, duke bllokuar protestuesit dhe duke i larguar nga zona përreth stadiumit olimpik, ku sot do të jenë 35 mijë shikues. Marrëveshja olimpike mes dy Koreve, rinisja e dialogut pas gati 50 vitesh janë disa nga arsyet e protestës, duke parë edhe faktin që në krye të delegacionit të Koresë së Veriut është motra e liderit Kim Jong.