Skënderbeu këtë merkato janari bëri shumë lëvizje sa i përket afrimeve. Lëvizja më e bujshme ishte arritja e akordit me Luftëtarin për Dejvi Bregun dhe Kristal Abazajn, të cilët tashmë janë pjesë e korçarëve, por do të qëndrojnë në Gjirokastër deri në fund të sezonit.
Sa i përket largimeve, ka qenë Drejtori Sportiv i klubit korçar, Haris Fakiç i cili ka zbuluar arsyen se pse ende Skënderbeu nuk ka bërë lëvizje në dalje sa i përket merkatos së janarit.
Fakiç është shprehur se kjo gjë nuk ka ndodhur për dy arsye. E para ka patur të bëjë me faktin se klubi nuk ka dashur të rrezikojë shumë, pasi nëse largoheshin, do largoheshin më të mirët, ndaj dhe është preferuar që lëvizjet e mëdha të bëhen në verë.
Arsyeja e dytë se pse kjo gjë nuk ka ndodhur për paktën për tre futbollistë të Skënderbeut ka qenë fakti që nga klubet e interesuara nuk janë plotësuar kushtet që janë kërkuar, ndaj dhe nuk është bërë e mundur arritja e një marrëveshje.
Drejtori Sportiv i korçarëve paralajmëron se në verë, do të jetë Skënderbeu që do të bëjë lëvizjet e bujshme në dajle, sikurse ndodhi në janar me afrimet e reja.