Oklahoma City dhe San Antonio Spurs siguruan pjesëmarrjen në fazën e “playoff”-it në kampionatin e NBA.
Ndërsa San Antonio mundi Sacramento Kings 98-85. Vendimtare për skuadrën teksane u bë perioda e katërt, kur Spurs zhvilluan një lojë praktikisht perfekte për të vulosur këtë fitore. Sacramento nga ana e tij e bëri lojën e vet, ku Cauley-Stein u shfaq në një formë të shkëlqyer, teksa shënoi 25 pikë e rrëmbeu 10 topa në tabelë, por që nuk i mjaftuan Kings që të evitojë humbjen. Për San antonion, LaMarcus Aldridge e mbylli ndeshjen me 15 pikë e 14 topa në tabelë, ndërkohë që spikatën edhe Ginobily e Gay, me 17 e 18 pikë të shënuar respektivisht.
Cleveland i realizoi parashikimet dhe fitoi ndaj New York 123-108. Si zakonisht, njeriu i ndeshjes për nënkampionët e NBA u bë LeBron James, i cili shënoi 26 pikë dhe dha 11 asist, ndërsa Kevin Love shënoi 28 pikë. Në krahun tjetër, New York konfirmoi në këtë ndeshje se po përjeton një sezon aspak pozitiv, edhe pse Beasley dhe Ntikilina shënuan respektivisht 20 dhe 17 pikë.
