Daniel Ricciardo me Red Bull ka siguruar “pole position” sot në pistën e Montekarlos, të vlefshme për garën e Çmimit të Madh të Monako në Formula 1. Piloti australian dha kohën 1’10”810, një kohë rekord në këtë pistë, duke qenë më i shpejti, i pakapshëm nga rivalët. Ricciardo dha kohën më të shpejtë në të trija sesionet, duke e nisur garën nesër nga vija e parë e startit (ora 15:10).
Në krah të tij do të jetë piloti gjerman i Ferrarit, Sebastian Vettel, ndërsa në vijën e dytë të nisjes do të jenë Lewis Hamilton, i treti me Mercedes dhe Kimi Raikkonen, i katërti me makinën tjetër Ferrari. Pas tyre, deri në vendin e dhjetë, u klasifikuan Bottas (Mercedes), Ocon (Force India), Alonso (McLaren), Sainz (Renault) dhe Gasly (Toro Rosso).
BREAKING: Daniel Ricciardo takes his second pole position on the streets of Monaco! 💪 #MonacoGP 🇲🇨 #F1 pic.twitter.com/aip9SNgthC
— Formula 1 (@F1) May 26, 2018