Pas garës së zhvilluar më 20 maj në pistën e La Mansh, pilotët e Moto GP kanë zbritur sot në pistën e Montmelo, në Barcelonë, për të zhvilluar disa teste të tjera sezonale të lejuara nga Federata Ndërkombëtare e Motoçiklizmit. Gjatë paradites, pilotët nuk patën shumë mundësi të provojnë ndryshimet, pasi shiu nuk i la ata të qëndrojnë gjatë në pistë. Ndërsa gjatë pasdites situata ishte ndryshe dhe të gjithë pilotët testuan ndryshimet që kishin sjellë.
Kohën më të mirë në përfundim të testeve e dha piloti spanjoll i Yamaha, Maverick Vinales, që e ndali kronometrin në 1’38”974, duke lënë pas Yamaha e francezi Johann Zarco, ndërsa i treti u klasifikua Ducati i Jorge Lorenzo. Vetëm i gjashti spanjolli Marc Marquez me Honda, kryesuesi i Botërorit (pas Dovizioso, i pesti), ndërsa Valentino Rossi i mbylli testet në vendin e tetë.
