Wayne Rooney e ka mbyllur karrierën e tij me Everton, pasi është takuar me shokët e skuadrës dhe i ka dhënë lamtumirën. Sulmuesi ka qenë i pranishëm në klub rreth orës 10:00, por nuk marrë pjesë në seancën stërvitore sepse vuan nga një problem në gjurin e djathtë, që do ta mbajë jashtë ndeshjes së fundit të kampionatit, nesër kundër West Ham në “London Stadium”.
33-vjeçari ka pritur deri në fund të seancës stërvitore dhe është takuar për herë të fundit me të gjithë pjesëtarët e klubit, përfshi stafin teknik. Ai i hipi makinës dhe u largua nga selia e klubit në orën 12:40 dhe nuk do të kthehet më aty pasi ka pasur në duar dhe një çantë me objektet personale që kishte lënë në dhomat e zhveshjes.
Trajneri Sam Allardyce i ka kërkuar të qëndrojë te Everton edhe për një sezon, por sulmuesi e ka marrë vendimin e tij dhe në sezonin e ardhshëm do të luajë në MLS, kampionati amerikan i futbollit me DC United. Klubi amerikan do të paguajë 15 milionë euro.
Rooney u rikthye te Everton në korrik 2017 dhe ka shënuar 11 gola për “blutë”, ku luajti edhe në hapat e para të karrierës deri në moshën 18-vjeçare, përpara se të luante për 13 sezone me Manchester United. Ai është bërë golashënuesi më i mirë i historisë së “djajve”, ka fituar pesë herë Premier League, ndërsa në vitin 2009 fitoi Champions League.
