Në një aksident rrugor që ka ndodhur në Gjakovë, në orët e para të mëngjesit të sotëm, ku ishin të përfshirë disa lojtarë të kombëtares së Kosovës në basketboll, ka humbur jetën basketbollisti Gazmend Sinani.
Kombëtarja e basketbollit të Kosovës ishte në Gjakovë dhe po i mbante stërvitjet përgatitore për ndeshjet kualifikuese të Kupës së Botës.
Në po të njëjtin aksident ku humbi jetën basketbollisti i kombëtares së Kosovës, Gazmend Sinani, lëndime trupore kanë pësuar edhe Granit e Fisnik Rugova, Altin Morina dhe fizioterapisti Kujtim Shala.