Formula 1 Sport

Verstappen i kënaqur me podiumin në Kanada, prenoton fitoren në Francë

Vendi i tretë në garën e Çmimit të Madh të Kanadasë ka karikuar pilotin holandez Max Verstappen, që i ka vënë objektiv vetes fitoren në garën e ardhshme, atë që zhvillohet në Francë. “Oreksi vjen duke ngrënë”, u shpreh piloti 20-vjeçar i Red Bull, që nuk ka patur një pjesë të parë të kampionatit të mirë, më së shumti e karakterizuar nga aksidente.

“Në pistën e Montrealit zhvillova një garë të mirë. Hymë më herët në bokse për të ndërruar gomat, por ishim të shpejtë në pistë me gomat supersoft dhe ishim kompetitivë. Më vjen keq që nuk arrita ta parakaloj Bottas dhe të ngjitesha në vendin e dytë, pasi iu afrova shumë. U përpoqa disa herë ta parakaloja, por ai reagoi mirë”, tha Verstappen.

Duke folur për garën e radhës, pas dy javësh në Francë, piloti i Red Bull tha: “Do të dëshiroja gjithnjë që të kisha të tilla gara të forta dhe jam i sigurtë se mund të jemi edhe më kompetitivë pas dy javësh, në Francë. Botërori është ende i hapur dhe një fitore mund të përmbyste shumë gjëra, duke qenë edhe unë pretendent për titull”, u shpreh Verstappen.

Related posts

A JU KISHTE MUNGUAR SHKËLZEN GASHI? Sulmuesi shënon dy gola në Zvicër dhe zëvendësohet menjëherë

Delo.autor

“DO T’JU THYEJMË KËMBËT”/ Çfarë ndodhi pas kualifikimit të Laçit në Rumani

Delo.autor

AKSIDENTI TRAGJIK/ Zbulohen mesazhet e Salas në “WhatsApp”: Nuk dua të iki…

Delo.autor

Leave a Comment