Ish-mbrojtësi i Partizanit, Arbnor Fejzullahu ka debutuar ditën e sotme me fanellën e Xamax, në miqësoren ndaj PSV-së që përfundoi me rezultatin 1-1.
Fejzullahu u hodh në fushën e lojës në fillimin e pjesës së dytë, duke bërë një paraqitje të kënaqshme. Ndërkohë që golin për skuadrën zvicerane e shënoi një tjetër futbollist shqiptar.
Behet fjalë për 20-vjeçarin, Arbeni Xhemajli, i cili gjeti rrugën e rrjetës në minutën e 59-të, duke barazuar shifrat, pasi më parë, në minutën e 19-të holandezët kishin kaluar në avantazh me anë të Berguin.
Xhemajli ashtu si Fejzullahu u aktivizua në pjesën e dytë. Edhe pse në rolin e mbrojtësit, ai arriti të gjente rrugën e rrjetës. Futbollisti shqiptar ka luajtur 6 takime me shpresat e Kosovës, ndërsa ka qenë i grumbulluar edhe për takimin e Kosovës ndaj Shqipërisë.
