Liverpooli tërhiqet nga gara për Jasper Cillessen. Klauzola e portierit është 60 milionë Euro, por lojtari mund të largohet nga Barcelona për gjysmën e çmimit.
30 milionë Euro është minimumi që katalanasit kërkojnë për të lënë të lirë 29-vjeçarin, por drejtuesit e skuadrës nga “Anfield”, të cilët janë vënë në kërkim të një portieri, e konsiderojnë të lartë shumën e kërkuar nga klubi spanjoll dhe për këtë kanë preferuar të dalin nga gara për kartonin e holandezit.
Sipas mediave angleze, trajneri i “the reds”, Jurgen Kloop preferon njërin mes Alisson e Jan Oblak, që kushtojnë më shumë se Cillessen, por që janë të konfirmuar në arenën ndërkombëtare.
