Makinat Red Bull kanë dominuar dy sesionet e para të provave të lira të zhvilluar sot në pistën gjermane të Hockenheim, aty ku ditën e diel zhvillohet gara e radhës së Botërorit të Formula 1. Gjatë paradites, më i shpejti ishte Daniel Ricciardo, ndërsa gjatë pasdites dominoi Max Verstappen, që e ndali kronometrin në 1’13”085. Kjo kohë u dha me gomat ultrasoft, që pritet të jenë më të përdorura nga pilotët në këtë garë.
Pas holandezit u renditën dy pilotët e makinës Mercedes, me Lewis Hamilton që la pas shokun e tij të skuadrës Valtteri Bottas dhe më pas u klasifikuan dy makinat Ferrari, me Sebastian Vettel që u rendit para Kimi Raikkonen. Një paraqitje të mirë bënë edhe dy makinat Haas, me Grosjean e Magnussen, respektivisht në vendet 6-7, ndërsa zhgënjeu makina McLaren, me Fernando Alonso që u klasifikua në vendin e 17-të (probleme në sesionin e dytë për Ricciardo, i 13-ti).
Two sessions at the top in a row for @redbullracing 💪#GermanGP 🇩🇪 #F1 pic.twitter.com/tJVzVkVQd4
— Formula 1 (@F1) July 20, 2018
