Presidenti i Amerikës, Donald Trump shpresonte se legjenda e NBA-së,Michael Jordan, do ta mbështeste në “luftën” që i ka shpallur yllit të ri të Lakers, LeBron James. Por kreu i Shtëpisë së Bardhë ka marrë sot një tjetër shuplakë, këtë herë nga Jordan, që përmes zëdhënësit të tij për shtyp ka bërë me dije se mbështet “King James” në deklaratat e tij.
“Mbështes LeBron. Po bën një punë të jashtëzakonshme për të mbështetur komunitetin tonë dhe kjo është për t’u vlerësuar”, u shpreh zëdhënësi i Michael Jordan, duke konfirmuar se 6 herë kampioni i NBA-së është në krah të yllit të Lakers.
NEW: Jordan sides with James over Trump tweet. NBA legend Michael Jordan tells NBC News through a spokesperson: "I support LJ. He’s doing an amazing job for his community.”
— Geoff Bennett (@GeoffRBennett) August 4, 2018
Trump, e cilësoi James një idiot dhe shtoi se preferonte Jordan para LeBron, por duket se pavarësisht lajkave që i ka bërë ikonës së NBA-së nuk ka mundur ta bëjë atë për vete. Akuzat për racizëm që shumica e sportit amerikan ka ngritur kundër kreut të Shtëpisë së Bardhë kanë bërë që Trump të mos ketë respektin e yjeve të sportit dhe ata kanë dalë kundër presidentit të Amerikës.
