Paolo Tramexani ka analizuar lojën e Napolit përballë Fiorentinës. Ai është përqëndruar te futbollisti që njeh më mirë, Hysaj. Madje italiani ka edhe një kërkesë për të. Ish-ndihmësi i De Biazit te Shqipëria foli për radio “Kiss Kiss”.
“Hysaj është cilësor në përdorimin e topit dhe ka aftësi të mëdha në mbrojtje. Hapi fundit që duhet të bëjë për të qënë ndër më të mirët është pjesa e sulmit ku duhet të jetë më vendimtar.”, u shpreh Tramexani. Ai gjithashtu vlerësoi edhe punën e Ançelotit te napoletanët, duke thënë se tekniku e njeh mirë potencialin e grupit.