Ngjarja ka ndodhur në maratonën me stafeta të zhvilluar në Fukuoka të Japonisë, ku atletja 19-vjeçare Rei Lida, ka ecur këmbadorazi për rreth 300 metra deri sa të shkonte në finish dhe të dorëzonte stafetën të shoqja e saj e ekipit. Vajza kërkoi të përmbushte misionin e saj, ashtu sikurse pat bërë edhe shoqja që i kishte dhënë stafetën më parë. Atletja kishte një frakturë në këmbën e djathtë, por nuk e la garën dhe me gjunjët e gjakosur ka vijuar garën.
Dëmtimi ndodhi disa qindra metra larg finishit të saj, ndërkohë që shoqja e ekipit e priste në lot për të marrë stafetën, duke parë ngjarjen dhe e pamundur ta ndihmonte. Gjatë kohës që garonte nuk mungonte inkurajimi i fansave, që mbështesnin atleten që ecte këmbadorazi, derisa mbërriti në finish dhe mori ndihmën mjekësore. Madje e inkurajonte edhe gjyqtari i garës që e ndoqi përgjatë gjithë kohës që ecte këmbadorazi.