Java e 5-të e Kampionatit Kombëtar në Basketboll për femra ka nisur sot në mbrëmje me takimin ku Studenti triumfoi 84-56 ndaj Elbasanit, ndeshje e luajtur në pallatin e sportit “Asllan Rusi” në kryeqytet dhe e vlefshme për Grupin A. Një ndeshje e dominuar nga basketbollistet kryeqytetase, që e dominuan lojën në të katërta periodat dhe e merituan fitoren. Ky është suksesi i parë sezonal për Studentin, që e largon nga vendi i fundit, aty ku me 5 humbje qëndron Elbasani, i cili rrezikon rënien në Grupin B.
STUDENTI KORR FITOREN E PARË/ Mposht Elbasanin dhe i largohet fundit
