Pas festës së “Ditës së Falënderimeve” NBA rikthehet me plot 12 sfida, ku nuk munguan edhe rezultatet disi të papritura. Zgjohen më në fund Golden State Warriors, që pas katër humbjeve radhazi shkatërruan 125-97 Portland Trail Blazers. Trajneri Kerr këtë radhë e kishte të plotë organikën, edhe pse Stephen Curry qëndroi vetëm 11 minuta mbi në fushë. Protagonistë absolutë në suksesin e kampionëve në fuqi të NBA ishin Kevin Durant dhe Klay Thompson, me 32 dhe 321 pikë, ndërsa Cook shtoi edhe 19 pikë të tjera për Warriors, teksa në radhët e Blazers Damian Lillard u ndal në 23 pikë.
Los Angeles Lakers triumfuan mes drithërimash 90-83 ndaj Utaj Jazz. Një sfidë me pikaverazh të ulët, por me shumë rivalitet, që pa në fund triumfatorë kalifornianët të udhëhequr nga LeBron James, i cili e mbylli takimin me një “double-double”, 22 pikë dhe 10 topa të kontrolluar poshtë koshit. Gjithsesi, më i miri sa u përket pikëve të shënuara rezultoi Ingram (24 pikë), ndërsa për Jazz me rezultativët ishin Burks dhe Ingles, respetivisht me 17 dhe 16 pikë, shumë pak për të shmangur humbjen.
U desh koha shtesa për të përcaktuar fituesin në përballjen mes Detroit Pistons dhe Houston Rockets. 98-98 tregonte tabela elektronike në përfundim të periodës së katërt, por në shtesë vendësit u treguan me të saktë, duke fituar 116-111 e sfumuar paraqitjen e James Jarden, që rezultoi më i miri mbi parket me 33 pikë, dhe të Capelas, që përveçse realizoi 29 pikë për Rockets, kontrolloi plot 21 topa poshtë koshit. Pistons arritën të triumfonin nën udhëheqjen e Drummond (23 pikë e 20 topa), Griffin (28 pikë) e Jackson (22 pikë).
Vazhdon të udhëheqin në Konferencën e Perëndimit Oklahoma City Thunder, që mposhtën 109-104 Charlotte Hornets. Russell Wesbroook shkëlqeu në këtë takim me 30 pikë, 8 asiste dhe 12 topa poshtë koshit, i ndihmuar nga 23 pikët e Schroder dhe 19 të Paul George. 25 pikë për Kemba Wlaker, që s’mundi të bënte më shumë për Hornets.
Rezultatet e tjera:
Brooklyn Nets – Minnesota Timberwolves 102-112
Orlando Magic-Denver Nuggets 87-112
Phoenix Suns-Milwaukee Bucks 116-114
Miami Heat-Chicago Bulls 103-96
Washington Wizards-Toronto Raptors 107-125
Cleveland Cavaliers-Philadelphia 76ers 121-112
New Orleans Pelicans-New York Knicks 109-114
Boston Celtics-Atlanta Hawks 114-96
Memphis Grizzlies-Los Angeles Clippers 107-112 (ot)
San Antonio Spurs-Indiana Pacers 111-100
