Real Madrid vijon të dominojë Euroleague në basketboll për meshkuj, duke korrur fitoren e tetë sezonale. Kampionët e Europës fituan 89-76 ndaj Gran Canaria në derbin spanjoll, duke udhëhequr renditjen me 16 pikë të plota. Sfida e zhvilluar në Madrid u dominua nga basketbollistët e skuadrës “merengues”, që triumfoi falë 20 pikëve e 10 rebound të Randolph, më i miri në fushë. Një marshim fantastik i Real, që hedh një hap të madh drejt play off-it.
Një tjetër derbi zhvilluar ishte ai mes dy ekipeve turke, ku Fenerbahce fitoi me lehtësi 100-79 ndaj Darussafaka Stamboll. Suksesi i shtatë për nënkampionët e Europës, që ruajnë ritmin e Real. Fenerbahce e dominoi ndeshjen dhe e meritoi fitoren, me 5 lojtarë që realizuan mbi 13 pikë, çka e bën të rëndësishme lojën kolektive të ekipit turk.
Jashtë fushe fiton Olympiacos, që mundi 72-62 Bayern Mynih, sfidë e vendosur në 10 minutat e fundit, ku grekët u shkëputën dhe korrën një fitore të rëndësishme. Leday me 12 pikë e 12 rebound bëri diferencë në parket për miqtë. Fiton edhe Anadolu Efes, që mundi 90-77 Maccabi, ndeshje e dominuar nga turqit, që e merituan fitoren. Dunston e Pleiss realizuan nga 14 pikë secili, duke qenë vendimtarë për turqit në këtë fitore.
Euroleague – Raundi i 8-të
Anadolu Efes – Maccabi Tel Aviv, 90-77
Fenerbahce – Darussafaka Stamboll, 100-79
Bayern Mynih – Olympiacos, 62-72
Real Madrid – Gran Canaria, 89-76
21 nëntor, Khimki Moskë – Buducnost, ora 18:00
21 nëntor, CSKA Moskë – Zalgiris Kaunas, ora 18:45
21 nëntor, Panathinaikos – Barcelona, ora 20:00
21 nëntor, Armani Milano – Baskonia Gasteiz, ora 20:45
