Mungesa e LeBron James dhe Rajon Rondo, të dy të dëmtuar, është ndier te skuadra e Lakers, që u mund 118-107 nga Clippers në derbin e Los Anxhelosit. Një fitore e merituar e Clippers, që kapin vendin e katërt në Konferencën e Perëndimit, në një takim ku u dallua Lou Williams, një ish-lojtar i Lakers, që realizoi 36 pikë.
Humbet skuadra e San Antonio, që u mund 102-99 nga Denver, një ndeshje e dominuar nga vendasit, që u shkëputën deri në 18 pikë, por në fund rrezikuan ta humbisnin atë. Murray me 31 pikë, si dhe Jokic e Beasley me nga 21 pikë secili, bënë diferencën në fushë për Denver, që merr kreun e renditjes në Perëndim, duke i bërë të pavlefshme 24 pikët e Aldridge për Spurs.
Surprizë humbja e Torontos, ekipit që kryeson renditjen në Lindje. Kanadezët u mundën 116-87 nga Orlando, ndeshje e luajtur në fushën e këtij të fundit. Edhe pse Toronto luajti më mirë në pjesën e parë (Leonard 21 pikë), në të dytën erdhi përmbysja e Orlando, me Vucevic, që realizoi 30 pikë e 20 rebound.
Në ndeshjet e tjera të luajtura sot, Miami triumfoi 118-94 ndaj Cleveland, sfidë ku diferencën në fushë e bëri Winslow, me 24 pikë e 11 rebound. Pas kohës shtesë fitoi Minnesota, që mundi 120-113 Atlanta, ndeshje me emocione deri në fund. Vendasit fituan pas 5 minutave shtesë, sfidë ku u dalluan Towns me 31 pikë e 19 rebound si dhe Rose me 25 pikë.
Pa probleme fiton edhe Indiana, që mundi 125-88 Detroit (Sabonies e Collison nga 19 pikë secili), ndërsa Charlotte triumfoi 100-87 ndaj Brooklyn, me të zakonshmin Walker që ishte lider në fushë për Horntes (29 pikë).
NBA – Rezultatet
Charlotte – Brooklyn, 100-87
Indiana – Detroit, 125-88
Orlando – Toronto, 116-87
Washington – Chicago, 92-101
Miami – Cleveland, 118-94
Minnesota – Atlanta, 120-123
New Orleans – Dallas, 114-112
Denver – San Antonio, 102-99
Phoenix – Oklahoma, 102-118
Lakers – Clippers, 107-118
