Trajneri i Chelseas, Mauricio Sarri, në konferencën për mediat të dhënë pas ndeshjes së fituar me rezultatin 2-0 ndaj Manchester City, sqaroi arsyet pse ai kishte vendosur të mos e grumbullonte sulmuesin spanjoll të Bluve, Alvaro Morata. Një vendim që sipas tij ishte i mirëplanifikuar për ndeshjen, pa sulmues, ndaj ishte e padobishme të kishte dy sulmues në pankinë.
“Ne luajtëm me Hazard si sulmues, kështu që mendoj se ishte e padobishme të kisha dy sulmues në pankinë. Ishte më e rëndësishme të kishim më shumë mesfushorë, kështu preferova. Ne merituam fitoren, nuk ishte e lehtë të mundnim Man.City në këtë moment, dhe nuk është e lehtë për mua të fitoj kundër Guardiolas. Jam shumë i lumtur për këtë triumf”, deklaroi trajneri Italian në konferencën për mediat pas triumfit ndaj Manchester City.
