Gjatë dy ditëve të fundit, ish-kampioni i peshës së lehtë në UFC Conor McGregor dhe kampioni në fuqi Khabib Nurmagomedov kanë sulmuar njëri-tjetrin në rrjetet sociale.
Dhe tani, një tjetër yll i UFC i është bashkuar luftës, ai është Nate Diaz, i cili është ndeshur dy herë me luftëtarin irlandez.
Diaz ka thumbuar Khabib pasi rusi kishte postuar një video duke u tallur me McGregor.
“Do të jetosh gjithë jetën me këtë turp,” ka shkruar Khabib në Twitter, duke i kujtuar McGregor fundin e ndeshjes së tyre tetorin e kaluar.
Ndërkohë Diaz i është përgjigjur: “Unë të godita me shpullë në sy të shokëve të tu dhe ju s’bëtë asgjë…Jeto me këtë more frikacak.”
Diez nuk është ndeshur që prej gushtit të vitit 2016, kur u mposht nga McGregor. Ai pritej të rikthehej në kafaz ndaj Dustin Poirier në UFC 230 të nëntorit, por ndeshja u anulua për shkak të dëmtimit të Poirier.
