Lojtari kolumbian, Efmamjjasond González, është sulmues, dhe për momentin gjendet në një provë me San Lorencon në Argjentinë. Ai ka marrë vëmendjen e të gjithë mediave botërore, vetëm prej emrit të tij.
Emri duket i ngatërruar, por në fakt ka një domethënie të veçantë. Efmamjjasond simbolizon një bashkim të gërmave të para të 12 muajve të vitit. E si Enero(janar), F si Febrero(shkurt), M si Marzo(mars), A si Abril(prill), M si Mayo(maj), J si Junio(qershor), J si Julio(korrik), A si Agosto(gusht), S si Septiembre(shtator), O si Octubre(tetor), N si Noviembre(nëntor), D si Diciembre(dhjetor).
Këtë kombinim, e ka prej prindërve, por sidoqoftë, ai preferon që ta thërrasin Jasond(Hasond). Por, nëse dikush do e provonte në shqip, do të dilte një ngatërresë e vërtetë, pra Jshmpmqkgshtndh.
E megjithatë Efmamjjasond mund të bëhet i famshëm, sepse është një talent i futbollit kolumbian. Sulmuesi 1 metër e 90, ka luajtur në moshat e Atletiko Nacional të Medellin e në fund të 2018 është liruar nga kontrata. Tani është duke kryer një provë tek San Lorenco, në Argjentinë, i rekomanduar nga Horge Almiron, trajneri i skuadrës së parë.
