Atletico Madrid është trajnuar mëngjesin e së hënës, duke nisur përgatitjet për ndeshjen e rëndësishme kundër Juventusit në Champions. Një seancë, në të cilën trajneri Diego Simeone është munduar t’i fshehë kartat e tij, por jo mungesën e Diego Costa.
Hispaniko-braziliani ka mbetur sërish në “infermieri”, i pamundur për të dhënë kontributin e tij kundër bardhezinjve, (të mërkurën, me start orën 21:00, në “Wanda Metropolitano”), ndërsa Griezmann dhe Morata do të formojnë duetin e sulmit “rojiblanco”. Juanfran po shfaqet, gjithashtu, si një nga risitë e formacionit, duke balotazhin me Arias.
Synimi është për të formuar një mbrojtje, që me humbjen e Lucas, duket e kufizuar. Giménez dhe Godín pritet të luajnë në qendër të mbrojtjes së Atletico Madrid, Filipe në anën e majtë dhe Savic do të prësë shansin nga stoli.
Së fundi, në qendër të fushës: Saul, Rodrigo, Thomas dhe Koke po vrapojnë për të qenë startues ndaj Juventusit, megjithëse Lemar, po ashtu, mori pjesë në provat e formacionit titullar të supozuar.
