Zhurma e madhe që u krijua për Mauro Icardin në këto ditë kaloi në heshtje tek lojtari dhe gruaja e tij agjente, Wanda Nara. Sidoqoftë, të dy vendosën të reagojnë në ditën e të dashuruarve, teksa Icardi fillimisht postoi një shprehje të Mark Twain, ndërsa në orët e vona ishte Wanda që postoi një mesazh të ngrohtë drejt Icardit për vendimin që ai mori: duke dalë kundër klubit për Wandan e tij.
“Ju na mësuat ne se çfarë do të thotë të ëndërrosh, të vuash, të luftosh, të sakrifikosh, të qash, të vlerësosh, të fluturosh, të qëndrosh dhe të jetosh për dashurinë”, shkroi ajo për argjentinasin në Instagram.
“Ai që zgjedh me zemrën e tij nuk është kurrë gabim. Familja jote. Gëzuar Shën Valentinin.”
