Hoze Murinjo është ende pa ekip për të ardhmen. Prej kohësh shumë ekipe kërojnë shërbimet e portugezit, por ai ende nuk ka vendosur. Në një intervistë për “DAZN”, tekniku ka zbuluar një pjesë tjetër të tij.
“Hoze është një njeri i qetë, i ndjeshëm dhe mendon shumë për të tjerët. Si trajner është pragmatik, emocionalisht inteligjent, por edhe dominuez. Më pëlqen më shumë Hoze dhe është mëkat që shumica më njohin si trajner dhe jo si njeri. Lojtarët e mi për mua do të përdornin termin ‘bastard’, shprehet Murinjo. Intervista që e shikon Murinjon në një këndvështrim tjetër, do të publikohet e plotë në datën 24 prill.
