Nabil Fekir po kalon një formë të shkëlqyer tek francezët e Lionit, dhe kjo nuk ka kaluar pa rënë në sy të skuadrave të mëdha.
Një vit më parë Liverpuli, ishte shumë pranë transferimit të lojtarit në skuadrën e tyre, por transferimi dështoi për shkak të kërkesave të larta që kishte presidenti francez. Lojtari një vit më parë vlerësohej rreth 70 milionë euro, dhe nuk pranohej asnjë ulje nga çmimi nga drejtuesit. Së fundmi për mesfushorin 25-vjeçar është futur edhe Milani.
Sipas asaj që shkruan “SportMediaset” kuqezinjtë e dëshirojnë lojtarin, dhe do të tentojnë ta transferojnë. Italianët mendohet të ofrojnë rreth 30 milionë euro, duke ditur që lojtari ka vetëm një vit kontratë. Gjithashtu mund të tentohet edhe një shkëmbim me yllin e Milanit, Suso.
