Kanë kaluar vetëm pak orë, por PSG e ka gjetur tashmë pasuesin e Gianluigi Buffon. Kampionët e Ligue 1 kanë zyrtarizuar marrëveshjen me portierin polak, Marcin Bulka.
19 vjeçari vjen nga Chelsea me parametra zero, duke u kthyer në një goditje të zgjuar nga ana e drejtorit sportiv, Leonardo, që përpos futbollistëve të konfirmuar mendon dhe për të ardhmen.
“PSG ka ndihmuar shumë lojtarë të rinj të tregojnë potencialin e tyre në vitet e fundit. Pas përvojës sime në Angli, kërkoj që të bëhem akoma dhe më i mirë diku tjetër”-ishin fjalët e para të Bulka.
Talenti i portës polake ka firmosur për 3 sezone me PSG-në.
