Atletja holandeze, Madiea Ghafoor është arrestuar nga policia në kufirin gjerman, pasi në makinën e saj u gjetën 50 kilogramë drogë të llojit metamfetamin dhe ekstazë, me vlerë 2 milionë euro.
26-vjeçarja ka qenë në Dusseldorf të Gjermanisë duke kryer një seancë stërvitore dhe më pas është arrestuar në një kontroll rutinë, edhe pse ajo e ka mohuar se kishte substanca të ndaluara në makinë.
Ghafoor është arrestuar me 18 korrik, por vetëm para një jave kanë dalë detaje nga një operacion anti-drogë dhe policia gjermane konfirmoi arrestimin e saj.
Ajo ka marrë pjesë nën flamurin e Holandës në Rio 2016 në stafetën 4×400 metra, së bashku me koleget e saj.
Federata e Atletikës në Holandë tha se janë të shokuar nga ky lajm dhe nëse akuzat vërtetohen, atëhera karriera e sportistet ka marrë fund.