Real Madrid ka probleme të mëdha me lëndime të futbollistëve.
Zinedine Zidane ka një problem shumë serioz te skuadra e Real Madridit.
Pas lëndimit të Luka Modric, ai ka opsione të kufizuara për ndeshjen e ardhshme ndaj Levantes dhe udhëtimit në Paris për fillimin e edicionit të ri në Ligën e Kampionëve, shkruan e përditshmja sportive madrilene “Marca”.
Në fakt, i vetmi mesfushor i cili është në gjendje të mirë fizike para duelit të ardhshëm me Levanten është Toni Kroos.
Casemiro ka zhvilluar vetëm një stërvitje pas obligimeve me Kombëtaren e Brazilit. Zidane po ashtu ka probleme edhe me të tjerët si James, i lënduar, njësoj sikurse Isco.
Prandaj ai duhet të gjejë një zgjidhje në mesfushë për takimin e fundjavës, e më pas të planifikojë ballafaqimin e vështirë ndaj Paris Saint-Germain.
