Irlanda dhe Zvicra kanë ndarë pikët në ndeshjen e pestë në Grupin D në kualifikimet për Euro 2020.
Zvicra nuk ka mundur të marrë më shumë se një pikë në udhëtim te lideri i Grupit D, Irlanda, duke barazuar 1-1.
Pjesa e parë përfundoi pa gola, dy golat u shënuan në 45 minutat e pjesës së dytë.
Fillimisht ishte sulmuesi, Fabian Schaer, ai që realizoi për 1-0 në minutën e 74’, duke kaluar Zvicrën në epërsi.
Barazoi gjithçka David McGoldrick në minutën e 85’, për rezultatin përfundimtar 1-1.
Pas këtij barazimi, Irlanda vazhdon të jetë lider i Grupit D me 11 pikë, kurse Zvicra gjendet në vendin e tretë me pesë pikë dhe me dy ndeshje më pak se rivali i sotëm.
