Real Madridi e ka shkatërruar 5:0 Leganesin, duke e vazhduar presionin ndaj liderit të La Ligës dhe rivalit të përjetshëm, Barcelonës.
Rodrygo Goes, Toni Kroos, Sergio Ramos, Karim Benzema dhe Luka Jovic shënuan nga një herë në fitoren e thellë të skuadrës së Zinedine Zidane të mërkurën në Santiago Bernabeu.
Pas kësaj fitore, e gjashta në 10 ndeshje, Real Madridi i grumbullon 21 pikë në vendin e dytë në renditjen e La Ligës, një më pak se lideri Barcelona.
Los Blancos, që pushuan në fundjavë pasi derbi El Clasico u shty për shkaqe siguri, po vinin nga një humbje tronditëse ndaj Mallorca në lojën e kaluar në ligë.
Në ndeshjen e ardhshme, Madridi e pret Betisin në Santiago Bernabeu.