Piloti britanik Lewis Hamilton dhe drejtori sportiv Toto Wolff do të shkojnë që të dy te Ferrari në vitin 2021. Lajmin e ka konfirmuar Eddie Jordan, ish-pronari i makinës “Jordan” në Formula 1. Irlandezi tha se dyshja që shkroi historinë me Mercedes do të kalojë te “kokëkuqja” pas një viti, kur dhe u skadon kontrata.
“Viti 2021 është koha e duhur që Hamilton të shkojë te Ferrari. Ai po i afrohet fundit të karrierës dhe nuk do të ketë më shanse të pilotojë makinën italiane. Hamilton ka nevojë për mbrojtje dhe këtë gjë ia garanton vetëm Toto. Fakti që Lewis e ka përmendur kontratën e shefit të tij disa herë do të thotë se ata do të lëvizin të dy nga Mercedes te Ferrari”, tha Jordan.
