Basketball Futboll Sport Të tjera

RRËFIMI I TRISHTË I KOBE BRYANT/ Arsyeja pse përdorte helikopterin për lëvizjet e përditshme

Lajmi për ndarjen nga jeta në moshën 41-vjeçare të ikonës së basketbollit Kobe Bryant ishte shokues për të gjithë.

Paraditen e djeshme ai, bashkë me vajzën e tij 13- vjeçare dhe 7 persona të tjerë, po udhëtonin me helikopterin e tij privat, i cili u rrëzua dhe shpërtheu në flakë duke u marrë jetën të gjithëve.

Kobe e kishte pasion udhëtimin me helikopter por edhe një mënyrë praktike për të arritur në kohë në të gjitha destinacionet e takimet e përditshme që kishte brenda Los Angeles.

Në një intervistë të dhënë në 2018, ai tregonte se e përdorte helikopterin përditë, pasi nuk dëshironte që të humbiste asnjë moment nga jeta e tij familjare.

Kobe tregonte rutinën e tij , dërgimin e fëmijëve në shkollë dhe marrjen e tyre më pas, dhe arsyeja se përse përdorte helikopterin dhe jo makinën, ishte trafiku i rënduar.

Ai shprehej se nuk dëshironte që të bëhej vonë ndërsa i çonte dhe i merrte fëmijët, dhe se nuk lejonte bashkëshorten, pasi dëshironte që të kalonte sa më shumë kohë të mundej me ta.

Ai thoshte se mezi priste momentin kur i merrte nga shkolla dhe shkonin në shtëpi, pasi aty kalonin kohën më të madhe bashkë me gjithë familje.

Vajza e tij 13-vjeçare, që me përkëdheli ai e quante Gigi, ishte ajo e cila i kishte trashëguar talentin dhe dëshirën për basketbollin.

Kur e pyesnin Kobe se a do të kishte dëshirë të kishte një djalë për t’i trashëguar talentin, ai duke qeshur thoshte se Gigi kujdeset më së mirë për këtë pjese, dhe aftësia e saj është shumë e veçantë.

Por fati e deshi që të dy ata të shuhen para kohe, në krahët e njëri-tjetrit…

Related posts

JEPET GARANCI PËR PAGAT/ “Ujqërit” dalin sërish në stërvitje

Isa.Autor

U BË “HEROI” I LIVERPOOL/ Si ndryshoi brenda 10 ditëve karriera e portierit Adrian

Delo.autor

KËRKOHET NGA MANCHESTER UNITED DHE TOTTENHAM/ Muriqi zgjedh ekipin tjetër anglez për të vazhduar karrierën

Delo.autor

Leave a Comment