Janë mbyllur para pak minutash tre ndeshjet e Serie A, të vlefshme për xhiron e 18-të në këtë kampionat.
Juventusi ka mposhtur me rezultatin 4-0 Kaljarin, në një ndeshje ku protagonisti kryesor ishte Kristiano Ronaldo. Portugezi realizoi plot tre herë për ekipin e tij, teksa hapi serinë e golave në minutën e 49’, kur shënoi një gol shumë të bukur, pasi kishte rrëmbyer një top nga kundërshtari.
Golin ë dytë e shënoi në minutën e 67’ me penallti, teksa kompletoi tripletën e tij në minutën e 82’, ku realizoi pas një asisti të marrë nga Daglas Kosta.Golin tjetër për bardhezinjtë e shënoi Higuain në minutën e 81’, duke marrë kështu një fitore shumë të rëndësishme, e cila e ngjit “Zonjën” në vendin e parë me 45 pikë, 3 më shumë se Interi që luan në mbrëmje.
