Klubi i Barcelonës ka zyrtarizuar tani në darkë shkarkimin e trajnerit Ernesto Valverde nga drejtimi i skuadrës.
Pas shumë orësh bisedime me përfaqësuesin e tij ligjor, më në fund klubi ka dalë me komunikatë duke bërë të qartë se ishte gjetur gjuha e përbashkët mes palëve.
“Marrëveshje mes Barcelonës dhe Ernesto Valverde për mbylljen e kontratës së tij si trajner i ekipit të parë. Faleminderit për gjithçka Ernesto, shumë fat në të ardhmen”, shkruhej në komunikatën e klubit.
Vetëm pak minuta më vonë, klubi zyrtarizoi edhe emri e trajnerit të ri.
Ashtu siç pritej, ai do të jetë Kike Setien, i cili deri në vitin 2019 kishte drejtuar Betis Seviljen.
Klubi bëri të ditur se Setien kishte firmosur deri në qershorin e vitit 2022 me katalanasit.
© SYRI.net