“Zlatan donte të ishte edhe ndaj Verona, por nuk e lamë… Në derbi nuk do të mungojë!”… Zvonimir Boban, drejtuesi i Milanit, ka dhënë mesazhin e lumtur për tifozët e Milanit në prag të sfidës ndaj Interit, të dielën.
Mungesa e suedezit ndaj Veronas në “San Siro” u pa qartë (ashtu si edhe e Bennacer). E konfirmojnë edhe shifrat në fakt, pasi me Zlatan në fushë është tjetër gjë. Ashtu si shkruan “Corriere della Sera”, në fakt, pa Ibrahimovic, Europa do të mbetej mirazh për kuqezinjtë, ndërsa tani objektivi është konkret. Me Ibra në fushë, “Djalli” udhëton me një mesatare prej 2.5 pikësh për ndeshje.
