Andrea Pirlo kthehet në futboll, por këtë herë me një tjetër rol: trajner! “La Stampa”, e përditshmja torineze, lëshon kështu bombën për sezonin e ardhshëm, pra atë 2020-2021, ku “profesori” ose “mjeshtri”, ka arritur akord me Juventusin për të drejtuar ekipin U-23, që merr pjesë në Serie C, pra kategoria e tretë italiane, duke ndjekur kështu modelin e Barcelona B dhe Real Madrid Castilla.
Pikërisht Guardiola dhe Zidane janë modelet e ish-futbollistit të njohur italian. Pas një kohe pushimi dhe ku ka studjuar jo pak, Pirlo do të nisë karrierën e tij të re, pranë futbollit, po për të përcjellë idetë e tij taktike.
