Që prej vrasjes së një të riu me ngjyrë nga policia amerikane, racizmi ka marrë një vëmendje të madhe në të gjithë botën. Protesta të shumta e të dhunshme janë zhvilluar kryesisht në Amerikë dhe Europë në mbështetje të njerëzve me ngjyrë. Por nëse pothuajse të gjithë e kanë mbështetur luftën kundër racizmit, një deklaratë shokuese ka ardhur nga ish-bosi i Formula 1 Berni Ekleston.
Ky i fundit ka dhënë një intervistë për “CNN” përsa i takon fenomenit të racizmit: ““Në shumë raste, njerëzit me ngjyrë janë më racistë se njerëzit e bardhë. Jam i surprizuar që racizmi e shqetëson Hamiltonin. Jam shumë i mërzitur se ai e ka marrë seriozisht. Nuk mendoja kurrë që do e merrte kaq seriozisht.
Nuk mendoj se racizmi ka ndikuar tek ai. Unë nuk kam folur personalisht me Hamilton”, u shpreh Ekleston për CNN. Ish-bosi i Formula 1 mendon se njerëzit me ngjyrë janë vetë më racistë se njerëzit e bardhë.
