Presidenti i Barcelonës, Josep Maria Bartomeu, ka folur për shumë gjëra në klubin që drejton, i cili ndodhet në një krizë të madhe, pas humbjes poshtëruese 8-2 ndaj Bayern Munich në Champions. Mes të tjerash, ai është ndalur edhe tek aspekti ekonomik, por dhe mundësia e blerjes së Neymar e Lautaro Martinez.
PROBLEMET EKONOMIKE – “Barça ka para për të blerë lojtarë. Problemi është fatura e pagave, sepse kemi kufij të bazuar në të ardhurat. Prandaj, është e nevojshme të ulet pagat në mënyrë që të marrim lojtarë të rinj”.
NEYMAR DHE LAUTARO – “Është e pamundur të shkosh dhe të marrësh një lojtar, kur klubi në të cilin luan nuk dëshiron ta shesë atë. Verën e kaluar u përpoqëm me Neymar. Tani, me situatën e pandemisë, PSG nuk dëshiron ta shesë atë. Për Lautaro kemi biseduar me Interin para se të rifillonte La Liga, pastaj i ndërpremë negociatat, sepse garat e ndryshme ishin në fokus. Interi do të luajë finalen e “Europa League”, pastaj do të shohim nevojat e trajnerit të ri”.
COVID-19 – “Koronavirusi na kushtoi 200 milionë euro sezonin e kaluar dhe do të na marrë edhe 320 milionë të tjerë në edicionin e ardhshëm. Ne kishim pritur të mblidhnim 1.12 miliardë euro të ardhura, por jemi te rreth 800 milionë”.
