Sezoni 2019-2020 në NBA ka vetëm pak ditë që ka përfunduar, me skuadrën e Lakers që u shpall kampione.
Edhe pse nuk ka ende një datë zyrtare se kur do të nisë sezoni i ri 2020-2021 (mendohet në janar), bastexhinjtë kanë nisur që tani të japin kuotat e para.
Skuadra e Lakers kuotohet si favoritja kryesore për të fituar titullin edhe sezonin e ri, ndërkohë që në vendin e dytë është ekipi tjetër i Los Anxhelosit, ai i Clippers.
Në vendin e tretë koutohet Milwaukee Bucks, që ndiqet nga Golden State Warriors dhe New Jersy Nets. Vetëm i shtati Miami, ekipi finalist i këtij viti.
