Mesfushori brazilian i Partizanit, Kordeiro Melo, duket se nuk po e humb vendin e tij të titullarit, pavarësisht ardhjes së Ferhan Hasanit, Stenio Zhuniorit, si dhe rikthimit të Eraldo Çinarit.
Edhe pse kishte një problem me trajnerin Daja në fillim të sezonit, gjithçka duket e lënë pas dhe Melo po jep kontributin e tij në të majtë të sulmit. Ai njihet si një futbollist supersticioz dhe që beson në disa besëtytni.
Para çdo ndeshjeje, mesfushori kryen lutjen e tij të zakonshme, si dhe ka një “fiksim” me atletet. Në seancat stërvitore, Melo shihet me atletet “Puma”, që janë me dy ngjyra të ndryshme. Ky lloj i “Puma”-s ishte shumë në modë në sezonet 2015 dhe 2016, kur i mbanin të veshura disa futbollistë shumë të njohur. Duket se Melo po i rikthen në modë këto atlete.
