Janë dhënë verdiktet finale në Kategorinë e Parë në Kosovë, pas ndeshjeve të zhvilluara ditën e sotme.
Ulpiana dhe Malisheva janë dy skuadrat që ngjiten zyrtarisht në Superligë për sezonin e ardhshëm. Ulpiana mposhti me vështirësi Ramiz Sadikun me rezultatin 1-2 dhe siguroi matematikisht ngjitjen, ndërsa Malisheva kaloi pa shumë vështirësi Vëllaznimin 3-0.
Ndërkohë rrëzohen në Kategorinë e Dytë dy skuadrat e njohura, Vushtrria dhe KEK-u. Këta të fundit fituan ndaj 2 Korrikut, por kjo nuk mjaftoi për të shmangur rënien, ndërsa Vushtrria u mposht 1-3 nga A&N.