“Doja fitoren, por në përgjithësi jam i kënaqur me mënyrën se si shkoi gara e Francës”, u shpreh sot Lewis Hamilton, që xhiron e parafundit u parakalua nga rivali i tij kryesor për titull, Max Verstappen.
“Red Bull ishte e shpejtë, ndërsa ne jo. Kjo gjë u kuptua që ditën e premte. Në fundin e garës nuk mund të bëja asgjë ndaj Max, pasi gomat e mia thuajse kishin mbaruar e rrezikoja shumë”, tha piloti britanik i Mercedes.
“Na duhet më shumë shpejtësi, kryesisht në zonën e drejtë. Duhet të kuptojmë se ku qëndron problemi ynë. 1 apo 2 ndalesa? Mundësia e vetme ishte të qëndronim në pistë dhe të shpresonim”, u shpreh Hamilton.
