Pas dy garave të mira, në Montekarlo dhe Baku, pista franceze e Le Castellet tregoi se Ferrari ka ende shumë limite dhe probleme këtë sezon të Formula 1. Nga gara e fundit, “kokëkuqja” nuk mori asnjë pikë, pasi pilotët e saj u klasifikuan në vendet 11 dhe 16. Problemi kryesor ishte konsumimi i madh i gomave.
“Jemi të zhgënjyer, pasi u befasuam nga ky konsumim i madh i gomave. Nuk e kishim parashikuar këtë gjë. Dukej sikur gomat konsumoheshin shumë shpejt, sikur makina i “hante” ato. Makinat që në provat zyrtare ishin gjysmë sekondi më të avashta se ne, në garë ishin 2 sekonda më të shpejta”, tha spanjolli Carlos Sainz.
