Mediat angleze kanë shkruar me superlativa për Anglinë pas suksesit ndaj Shqipërisë me shifrat 5-0. Sigurisht, në epiqendër të vëmendjes ishte performanca e Herri Kejn, i cili shënoi tre gola, për më tepër atë që cilësohet tregolëshi perfekt, pasi gjeti rrjetën me të dy këmbët dhe me kokë. Titujt e mediave kryesore në Angli mund t’i lexoni në vijim:
Daily Mail: Herri Kejn shënoi tre gola në pjesën e parë ndërsa Anglia i shënoi PESË Shqipërisë me Herri Meguajër dhe Xhordan Henderson që gjeten gjithashtu rrjetën në Uembli, duke lënë ekipin vetëm 1 pikë larg Botërorit 2022.
The Sun: Të lumtur si Herri. Brilanti Kejn kthehet përsëri në shina me një tregolësh perfekt sensacional që entuziazmoi Uemblin e tejmbushur në ndeshjen e dominuar.
The Mirror: Herri Kejn shënon tre gola në dërrmimin në Uembli.
The Guardian: Herri Kejn me tre gola ndërsa Anglia kalon pa vështirësi Shqipërinë në rrugën drejt Katarit.
BBC: Tre gola të shkëlqyer të Kejn çojnë Anglinë në pragun e Kupës së Botës.
The Times: Kejn i mrekullueshëm, nis Anglinë drejt Katarit.
