Futboll Seria A Sport

E FUNDIT/ Hysaj humb gjyqin me Napolin, ja shifra e majmë që do i paguajë ish-klubit…

Elseid Hysaj do të përballet sot me Napolin për herë të parë si kundërshtar i klubit ku ka kaluar një pjesë shumë të rëndësishme të karrierës së tij. Por para kësaj sfide, për futbollistin shqiptar ka ardhur një lajm i keq nga drejtësia sportive pikërisht për një gjyq që kishte me Napolin, pasi e ka humbur atë dhe do të duhet t’i paguajë një shifër të majme ish-klubit.

Gjithçka ka lidhje me protestën e lojtarëve të Napolit pas ndeshjes së humbur në Ligën e Kampioneve ndaj Salcburgut në vitin 2019, kur klubi vendosi që lojtarët të shkonin në grumbullim. Futbollistët e Napolit i dolën kundër këtij vendimi dhe sfiduan drejtuesit, duke u larguar drejt shtëpive të tyre. Napoli u vendosi gjoba, por lojtarët e kundërshtuan dhe çështja shkoi në gjyq, me vendimin për Elseid Hysajn që ka qenë i pari.

Klubi ka bërë të ditur se Kolegji i Arbitrazhit Sportiv ka njohur si të drejtë vendimin e Napolit për të gjobitur lojtarët pasi ata nuk kanë ndjekur një urdhër. Klubit i njihej e drejta ashtu si trajnerit që të caktonte grumbullime të ekipit, si punëdhënës që është dhe meqë bëhej fjalë për të qëndruar në ambientet e klubit. Një gjë e tillë nuk cilësohej si “ndëshkim”, ashtu siç justifikoheshin futbollistët.

Kështu, duke përllogaritur përqindjet e rrogave që janë vendosur si gjoba, Elseid Hysaj duhet të paguajë 40 mijë euro në arkat e klubit të Napolit pasi ka humbur këtë gjyq. Pritet që të njëjtin fat të kenë edhe të gjithë lojtarët e tjerë të Napolit, pasi presidenti Aurelio De Laurentis ka deklaruar se nuk do të kursejë asnjë prej tyre.

Related posts

FORMULA 1/ Hamilton bën surprizën, FITON në “shtëpinë” e Vettel

Sadik.Autor

I GJAKOSUR DHE ME PLAGË NË FYTYRË/ Valverde flet për gjendjen e Messit

Delo.autor

Caktohet gjyqtari i Liverpool-Roma, me të “të kuqtë” shënojnë gjithmonë tre gola!!!

Sadik.Autor

Leave a Comment